Духовные болезни с каждым годом будут увеличиваться, это предсказано святыми отцами. Потому особое внимание надо обратить на этих людей и постараться им как-то помочь. Единственная же помощь несчастным — молитвы ко Господу, Божией Матери и святым Его, а также Таинства и Святыни Православной Церкви.

ДВЕ УТРЕННИЕ МОЛИТВЫ*

* Молитвы эти особенно рекомендуется читать духовно болящим.

Молитва приносимая с началом дня
о сохранении от диавола

Тебе, Богу и Творцу моему, в Троице Святой славимому Отцу, и Сыну, и Святому Духу, поклоняюся и вручаю душу и тело мое и молюся: Ты мя благослови, Ты мя помилуй, и от всякаго мирскаго, диавольскаго и телеснаго зла избави. И даждь в мире без греха прейти день сей, во славу Твою, и во спасение души моей. Аминь.

Молитва ко Господу о прощении,
заступлении и помощи

В руце Твоего превеликаго милосердия, о Боже мой, вручаю душу и тело моё, чувства и глаголы моя, советы и помышления моя, дела моя и вся тела и души моея движения. Вход и исход мой, веру и жительство мое, течение и кончину живота моего, день и час издыхания моего, преставление мое, упокоение души и тела моего. Ты же, о Премилосерде Боже, всего мира грехами непреодолеваемая Благосте и Незлобиве Господи, мене, паче всех человеков грешнейшаго, приими в руце защищения Твоего и избави от всякаго зла, очисти многое множество беззаконий моих, подаждь исправление злому и окаянному моему житию и от грядущих грехопадений лютых всегда восхищай мя, да ни в чемже когда прогневаю Твое человеколюбие. Имже покрывай немощь мою от бесов, страстей и злых человеков. Врагом видимым и невидимым запрети, руководствуя мя спасенным путем, доведи к Тебе, пристанищу моему и желаний моих краю. Даруй ми кончину христианску, непостыдну, мирну, от воздушных духов злобы соблюди, на Страшном Твоем Суде милостив рабу Твоему буди и причти мя одесную благословенным Твоим овцам, да с ними Тебе, Творца моего, славлю во веки. Аминь.

составлены (или записаны) иеромонахом ПАНТЕЛЕИМОНОМ (Лединым).